Sheremetyevo International Airport

ОХУ-ын нийслэл Москва хот дах Шереметьево-ийн олон улсын нисэх онгоцны буудлын D terminal. Энэхүү нисэх буудал нь Москва хотын баруун хойд зүгт 29 км-ын зайтай байрладаг. Шереметьево-2 буюу терминал F-ийг 1980 оны Зуны олимпын тоглолттой холбоотойгоор , Д терминалыг 2009 оны 11 дүгээр сард нээгдсэн. Манайхан европын орнууд руу нисэхдээ хуучин F терминалаар нисдэг байсан бөгөөд одоо шинэ D терминал голцуу дамжин явдаг болж. Шинэ терминалын хувьд тоног төхөөрөмж, сандалийн хувьд шинэчлэгдэж аялагчдад тав тухтай орчныг бүрдүүлж өгсөн юм. Шинэ болоод ч тэр үү зарим нэг газрууд нь нээгдээгүй, дэлгүүрүүд орохоор засвар үйлчилгээ хийж байна лээ. Нэг дутагдалтай тал ажиглагдсан нь тус терминал дотор телевизор байхгүй тул нислэгээ удаан хүлээж буй улсуудад их уйтгартай юм. Миний хувьд цаашаа Франкфурт руу нисэхдээ 6 цаг, буцаад Улаанбаатар хотруу нисэхдээ 16 цаг хүлээсэн тул жинхэнэ зүгээр л гэдэг ажлыг хийж ёстой уйдаж үхэх шахсан даа. Юм хүлээнэ гэдэг жинхэнэ амьдын там.

Terminal D


Шереметьево-2 буюу Terminal F

Сандалны голын тусгаарлагч байхгүй бол ёстой ванлий байх байсан даа. Тусгаарлагчтай болохоор унтаж болохгүй лайтай юм байна лээ. Яагаад ингэж тусгаарлагч хийдэг учирыг нь сонсвол "Зорчигч унтаад нислэгээсээ хоцрох магадлалтай тул......" гэсэн шүү. Үнэний тал бий нь ч бий шүү.

Terminal D болон Terminal F хоёр нь хоорондоо барилгын хувьд холбоотой боловч Terminal D дээр буусан хүний цаашаа явах нислэг нь Terminal F-ээс бол доошоо нэг давхар луу бууж 8 дугаар гарцаар гаран автобусанд сууж очдог нь бас л тиймхэн санагдлаа. Нэгэнт барилга нь холбоотой юм бол хоолойгоор оруулаад барилга дотуур явж очиж болдоггүй л юм байх даа.
Зорчигчдын ачаа тээш
Нисэх буудлын ажлын хэрэгцээний автомашин. "Газель" гэдэг нэртэй санагдаж байна.
ОХУ-ын Иргэний агаарын тээврийн АЕРОФЛОТ-ын онгоц. Ажиглаж байхад ихэвчлэн Аерофлот-ын онгоц нисэж байна лээ.
Terminal D-ийн дотор тал. Агааржуулалтын систем, сандал, гэрэлтүүлэг энэ тэр бол орчин үеийн сайхан л эд юм. Шинэ болохоор арга ч үгүй байх.